أهل المكارم

ربعي حبيش مكرّمة كل لافي=أهل المكارم والخصال الحميدة
تاريخهم بيّن ولاهو بخافي=وقفاتهم بالطيب ماهي جديده
اهل البنادق والسيوف الرهافي=يومن دم القلب يجمد وريده
نقدم على الموت الحمر مانخافي=وهداتنا يوم الملاقى فريده
كبيرنا ستره على الضيف ضافي=وصغيرنا عزمه يفل الحديده
ربعي منار العز بيرق يشافي=درع الوطن وأسود دون العقيدة
وانا لهم وسوق روحي وقافي=ومن شانهم شعري بدعنا جديده
وكل القبائل موفية كل وافي=والنعم فيهم والمواقف سديده
وصلاة ربي عد برق (ن) يشافي=على محمد عد نظم القصيدة